கருத்து வேறுபாட்டில் மைத்திரி-மஹிந்த..?

mahinda maithiri nimalகொழும்பு: இவ்வருட இறுதியில் நடைபெறலாம் என எதிர்பார்க்கப்படும் ஜனாதிபதி தேர்தலில், ரணில் விக்ரமசிங்க தலைமை தாங்கும் ஐக்கிய தேசிய முன்னணி சார்பான வேட்பாளரை எதிர்த்துப் போட்டியிடும் பொதுவேட்பாளர் யார் என்பது தொடர்பில், ஜனாதிபதி மைத்திரிபால சிறிசேன தரப்புக்கும் மஹிந்த ராஜபக்ஷ தரப்புக்கும் இடையில் கருத்து வேறுபாடுகள் ஏற்பட்டுள்ளன.

2015ஆம் ஆண்டு நடைபெற்ற ஜனாதிபதி தேர்தலில், மஹிந்த ராஜபக்ஷவை எதிர்த்துப் போட்டியிட்டு வெற்றி பெற்ற மைத்திரிபால சிறிசேன, அண்மையில் பிரதமர் ரணில் விக்ரமசிங்கவுடன் ஏற்பட்ட பிரச்சனை காரணமாக, மீண்டும் மஹிந்த ராஜபக்ஷவுடன் கைக்கோர்த்தார். இதனையடுத்து, மைத்திரிபால சிறிசேன தலைமை தாங்கும் ஸ்ரீலங்கா சுதந்திரக் கட்சியும், மஹிந்த ராஜபக்ஷ சார்பான பொதுஜன பெரமுன கட்சியும் கூட்டணி அமைத்து எதிர்வரும் தேர்தல்களில் போட்டியிடும் என்று, அரசியலரங்கில் பேசப்பட்டு வருகின்றது.

இந்நிலையில், அடுத்த ஜனாதிபதி தேர்தலில் மஹிந்த ராஜபக்ஷவின் ஆதரவுடன், தற்போதைய ஜனாதிபதி மைத்திரிபால சிறிசேன மீண்டும் போட்டியிடுவார் என்கிற எதிர்பார்ப்புகளும் வெளியாகியிருந்தன.ஆயினும், எதிர்வரும் ஜனாதிபதி தேர்தலில் ரணில் தலைமையிலான ஐக்கிய தேசிய முன்னணிக்கு எதிரான பொது வேட்பாளர் யார் என்பதில், மஹிந்த மற்றும் மைத்திரி தரப்பினருக்கு இடையில், தற்போது கருத்து வேறுபாடுகள் ஏற்பட்டுள்ளதோடு, அவற்றினை அவர்கள் வெளிப்படையாகவும் பேசி வருகின்றனர்.

எதிர்வரும் ஜனாதிபதி தேர்தலில், ஸ்ரீலங்கா சுதந்திரக் கட்சி வேட்பாளராக மைத்திரிபால சிறிசேனதான் களமிறங்குவார் என்று, அந்தக் கட்சியின் சிரேஷ்ட உப தலைவரும் நாடாளுமன்ற உறுப்பினருமான நிமல் சிறிபால டி சில்வா கடந்த வெள்ளிக்கிமையன்று தெரிவித்திருந்தார்.

mahinda maithiri nimal

yourkattankudy/srilanka politics

“இந்த ஆண்டு ஜனாதிபதி தேர்தலுக்கு வர உள்ளதால், இலங்கைக்கு இந்த ஆண்டு முக்கியமானதாகும் என்றும், மக்கள் தயார் என்றால், எந்தவொரு சவாலை எதிர்கொள்வதற்கும் தான் தயாராகவுள்ளதாகவும், கோட்டாபய ராஜபக்ஷ, நிகழ்வொன்றில் உரையாற்றும்போது தெரிவித்ததாகவும், மிலிந்த ராஜபக்ஷ தனது ‘ட்விட்டர்’ பக்கத்தில் மேலும் தெரவித்துள்ளார்.

எனவே, ஜனாதிபதி தேர்தலில் ரணில் தலைமையிலான ஐக்கிய தேசிய முன்னணியை எதிர்த்து பொது வேட்பாளராக யார் போட்டியிடுவது என்பது தொடர்பில் வெளியிடப்படும் ஏட்டிக்குப் போட்டியான மேற்படி கருத்து வேறுபாடுகள், மஹிந்த மற்றும் மைத்திரி ஆகியோருக்கிடையில் மீண்டும் ஒரு பிளவை ஏற்படுத்திவிடுமா என்கிற கேள்வியும் அரசியல் வட்டாரத்தில் எழுகிறது

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s