பாகிஸ்தான் பயிற்சியாளராகிறார் இன்சமாம் உல் ஹக்?

  • AF-90

inzamamலாஹூர்: பாகிஸ்தான் கிரிக்கெட் வாரியத்தின் தலைமைப் பயிற்சியாளராகும் வாய்ப்பு முன்னாள் தலைவர் இன்சமாம் உல் ஹக்குக்கு பிரகாசமாகியுள்ளது. அவரது பெயரை தற்போது தலைமைப் பயிற்சியாளர்களுக்கான பரிந்துரைப் பட்டியலில் பாகிஸ்தான் கிரிக்கெட் வாரியம் சேர்த்துள்ளது. அதேசமயம் இன்சமாம் உல் ஹக்குடன் வாரியத் தலைவர் ஷஹாரியார் கான் ஏற்கனவே பேசி விட்டதாகவும் தகவல்கள் தெரிவிக்கின்றன. எனவே ஹக் தலைமைப் பயிற்சியாளராகும் வாய்ப்புகள் பிரகாசமாகியுள்ளன.

இருப்பினும் இதுவரை அதிகாரப்பூர்வமாக எந்த செய்தியும் வாரியத் தரப்பிலிருந்து வெளியாகவில்லை. இதுகுறித்து வாரியத்திற்கு நெருக்கமான ஒருவர் கூறுகையில், இதுவரை எதுவும் முடிவாகவில்லை. இன்சமாம் உல் ஹக் மற்றும் ரஷீத் லத்தீப் ஆகியோரின் பெயர்கள் பரிசீலனையில் உள்ளன என்றார்.

இன்சமாம் ஹக் தற்போது ஆப்கானிஸ்தான் அணியின் தலைமைப் பயிற்சியாளராக உள்ளார். அந்த அணி டி20 உலகக் கோப்பையில் தோல்வியைச் சந்தித்து வெளியேறினாலும் கூட சிறப்பாக ஆடியது மேற்கு இந்தியத் தீவுகள் அணியை வீழ்த்தி அசத்தவும் செய்தது நினைவிருக்கலாம்.

inzamam

பாகிஸ்தான் அணிக்காக 120 டெஸ்ட், 398 ஒரு நாள் போட்டிகளில் இன்சமாம் உல் ஹக் ஆடியுள்ளார். கடந்த ஆண்டுதான் அவர் ஆப்கானிஸ்தான் அணியின் தலைமைப் பயிற்சியாளராக சேர்ந்தார். அவருடன் இந்திய அணியின் முன்னாள் வேகப் பந்து வீச்சாளர் மனோஜ் பிரபாகரும் இணைந்து பணியாற்றினார். தற்போதைய பாகிஸ்தான் அணியின் தலைமைப் பயிற்சியாளர் வக்கார் யூனிஸ், டி20 உலகக் கோப்பைப் போட்டிக்குப் பின்னர் விலகி விட்டார் என்பது குறிப்பிடத்தக்கது.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s