WWW.YOURKATTANKUDY.COM

– பிரகாசக்கவி

எங்கள் ஊரு சந்துபொந்தெல்லாம்..

 பச்சை என்றும்
 பச்சை மஞ்சள் என்றும்
 நீளம், சிவப்பு என்று
 கலர் கலராய் !

திருவிழா காலத்து
முட்டாசு கடைகள் போல
அழகு அழகாய் …

எனது வீட்டு முச்சந்தி அது

 நேற்று
 ஒருவன் வந்து
 குரங்கு வித்தை காட்டிப் போனான்

 நாலைந்து பெருசுகளும்
 ஏழெட்டு சிறுசுகளும்
 கைகொட்டி போனார்கள்

 அதே இடத்தில் இன்று ஒருவன்
 செத்த பாம்புகளை ஆட்டுவிக்கிறான்
 சில பாம்புகளை
 மூக்கில் விட்டு
 வாயில் எடுக்கிறான் .

விசில் சத்தம் வானை பிளக்கிறது .

தூரத்தே ஓர் அசரீரி
 நாளையும் இத்தெருவில் யாரோ ஒருவன்
 யானையை பூனையாய் மாற்ற போவதாய் !