WWW.YOURKATTANKUDY.COM

முஸ்லிம்களின் சமகால சூழலைக் கருத்திற்கொண்டு இக்கவிதை பிரசுரிக்கப்படுகிறது.

– முஸ்லிம் சமூகம், இலங்கை

பள்ளிவாயலா!
எங்குடைத்தனர்?
இதுவரை
கேள்விப்படவே இல்லையே-
நாங்கள்!
—
சமாதானம் போதித்த
போதி பகவான்
‘மஹிந்த பெருமான்’
ஆட்சி இது!
—
ஆட்சிமீது
அளவிலா அன்பு கொண்டவர்கள்
அதனால்
சமூகம் மீது
அளவில்லா அக்கறையற்றவர்கள்
நாங்கள்
—-
மூடுங்கள் உங்கள் வாய்களை
வீண்பழி சுமத்தாதீர்கள்!
வசைமழை பொழிந்தாலும்
வாலி பிடிப்தை
விடாதவர்கள்!
—
நேற்றைய பெருநாளில்தான்
ஜனாதிபதியும்
பிரதமரும்
எங்கள் சமூகத்துக்கு
சமாதான மலர்களைத்
தூவிச் சென்றனர்.
—
இது ஒரு
வெளிநாட்டுச் சதி!-
அதனால் வாய்மூடி
பொறுமை காக்கவும்!
—
நாங்கள்தான்
உங்களின் தலைவர்கள்
எங்களை நீங்கள்
மதிக்க வேண்டும்!
மதிக்காவிட்டால்-அவர்கள்
மிதித்துவிடுவார்கள்!!
—
இறை இல்லத்தில்
பன்றி இறைச்சியை வீசட்டும்!
அங்கு-
மனித மாமிசத்தைத்தான்
புசிக்கட்டும்
அதனால் உங்களுக்கு என்ன?
எங்களுக்குதான் என்ன???
—–
வீடு செல்லுங்கள் அமைதியோடு
நாங்கள்தான் அமர்ந்து
பேசுவோம்
சிம்மாசனத்தில்!
அதன் பின்னர்
அறிக்கையும் விடுவோம்!!
—
வானலை இருக்கு
வலைத்தளம் இருக்கு
எங்களின் தேவைக்கு
இது பௌத்தநாடு
விரும்பினால் இருங்கள்
இல்லாட்டி வெளியேறுங்கள்!
—-
ஆளுமையில்லா
முஸ்லிம் சமூகத்தை
ஐம்பது வருடங்களாய்
காத்து வருகிறோம்.
புதிதாய் முளைத்து
எங்களை விரட்ட 
யார் நீங்கள்?
—
புறப்படுங்கள்
உங்கள் வீடுகளுக்கு
பொய்கூறாமல் சென்றுவிடுங்கள்
பொதுபலத்தை விட்டுவிடுங்கள்
போராட்டத்தை எரித்துவிடுங்கள்!!!

இவ்வண்ணம்,

உங்கள் கீழ்படியா
இலங்கை முஸ்லீம் தலைவர்கள்,கொழும்பு