பாராளுமன்ற வரலாற்றில் கரி நாள் – ஹக்கீம்

இலங்கையின் பாராளுமன்ற வரலாற்றில் இன்றைய நாளே கரிநாள் என  முஸ்லீம் காங்கிரஸ் தலைவர் ரவூவ் ஹக்கீம் தெரிவித்துள்ளார். பாராளுமன்றத்தில் இன்று (16) மீண்டும் இடம்பெற்ற மோதல்கள் குறித்து செய்தியாளர் மாநாட்டில் கருத்து தெரிவிக்கையில் அவர் இதனை தெரிவித்துள்ளார்.

எதிர்கட்சி உறுப்பினர்கள்,சபாநாயகர் பொலிஸார் மீது இன்று பாராளுமன்றத்தில் இடம்பெற்ற தாக்குதலிற்கு அரசாங்க பாராளுமன்ற உறுப்பினர்களே காரணம் என ஹக்கீம்  தெரிவித்துள்ளார்.

அவர்கள் சபாநாயகரின் ஆசனத்தை பலவந்தமாக ஆக்கிரமித்தனர் என தெரிவித்துள்ள ஹக்கீம்  சபாநாயகரின் ஆசனத்தில் அவர்களின் உறுப்பினர் ஒருவர் அமர்ந்துகொண்ட சபாநாயகர் தனது ஆசனத்தில் அமர்வதை தடுத்தனர் எனவும் ஹக்கீம் குறிப்பிட்டுள்ளார்.

அரசாங்கத்தின் உறுப்பினர்கள் என அழைக்கப்படுபவர்கள் அனைவரிற்கும்  எங்களிற்கு பெரும்பான்மையுள்ளமை தெரிந்திருந்ததால் நம்பிக்கையில்லா தீர்மானத்தின் மீதான பிரேரணையை தடுப்பதற்கு அவர்கள் நாடாளுமன்றத்தின் இன்றையை அமர்வை தடுக்க முயன்றனர் எனவும் ஹக்கீம் தெரிவித்துள்ளார்.

இலங்கை பாராளுமன்றத்தில் என்ன நடக்கின்றது என்பதை முழு உலகமும் பார்த்தது எனவும் தெரிவித்துள்ள ஹக்கீம் அரசாங்க நாடாளுமன்ற உறுப்பினர்கள் சபாநாயகரை தாக்க முயல்வதையும் அவரை பொலிஸார் பாதுகாக்க முயல்வதையும் அனைவரும் பார்த்தனர் எனவும் தெரிவித்துள்ளார்.

பாராளுமன்றத்தில் இன்று பிரதமர் மற்றும் அவரது அரசாங்கத்திற்கு எதிராக உரிய முறையில் குரல்வாக்கெடுப்பின் மூலம் நம்பிக்கையில்லா தீர்மானம் நிறைவேற்றப்பட்டுள்ளது எனவும் ஹக்கீம் தெரிவித்துள்ளார்.

இதனை ஜனாதிபதியின் கவனத்திற்கு கொண்டுவருவோம் உரிய அரசமைப்பு நடவடிக்கைகளை எடுக்கவேண்டியது ஜனாதிபதியின் பொறுப்பு எனவும் அவர் தெரிவித்துள்ளார்.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s